Lettere Al Futuro

9 marzo 2009

Poesia dedicata ai papà – ” Le man de me pare ” ( Le mani di mio padre ) di Lucia Dionisio

Filed under: Poesie — adriano49 @ 19:26

                                                  

” Le man de me pare ” – ( ” Le mani di mio padre ” ) di Lucia Dionisio

Tuti ossi e pele rugà                                                   

xe ‘ste poare man de me pare              

cò cali fundi e stagionà.                          

Man ancora forti che le gà sempre laorà

par guadagnare el pan.

Man che s’avaria lassà tajare

piutosto de robare.

Man nete,onorà,che strenzendose

a quele d’on compare

le tegneva fede a la parola dà

che la cuntava pì de ‘na firma

su ‘na carta bolà.

Che bei tempi ca gera quei!

Le man del pare se congiunzea

a quele de la mare

e strucà insieme le gh’insegnava

ai fioi a pregare.

Man che gà portà sachi d’amore

par taconare muci de disperassion

e magun sempre grandi

ca no vedea nissun.

Dure,vece man

che gà impugnà el sciopo

in tempo de guera

ma co’i so tiri no le gà mai copà.

Man grandi,generose

che se slargava par far carità:

man che me gà cunà,me gà fato zogare;

man che le savèa parlare.

Man sante,man de me pare.

Man che anca prima de morire

se ga alsà solo par benedire!

 

di Lucia Dionisio –   ( Poetessa e scrittrice Polesana,vincitrice di numerosi concorsi letterari di prestigio,e autrice di numerosi racconti in vernacolo polesano.La poesia è tratta dal libro ” Al tòcco della parola ” – A.Masiero   ( Panda Edizioni )

Annunci

Crea un sito o un blog gratuitamente presso WordPress.com.